Լևոն Գալստյանն իր ֆեսբուքյան էջում՝տեղադրելով Սևանա լճի ծաղկած նկարները նշում է, որ վիճակի իրական պատճառները հասկանալու համար գիտնականներին անհրաժեշտ են հավաստի տվյալներ Սևանա լճի ջրի որակի, կենսաբազմազանության, լճի աղտոտման աղբյուրների բոլոր պարամետրերի վերաբերյալ առնվազն վերջին 20 տարվա կտրվածքով։

Լ. Գալստյանի խոսքով՝ այդ տվյալների բացակայության դեպքում, պատասխանատվություն պետք է կրեն բոլոր այն մարմինները, ովքեր դա պարտավոր էին անել։ Իսկ եթե տվյալներն առկա են, սակայն թաքցվել են հանրությունից, ապա թաքցնողները պետք է պատասխանատվության ենթարկվեն։

Նա կարծում է, որ պատասխանատվության պետք է ենթարկվեն նաև ափամերձ տարածքները չմաքրողները կամ վատ մաքրողները, լճի մակարդակի բարձրացումը 2012 թվականից արհեստական կասեցնողները, ինչպես նաև Արփա-Սևան թունելի վերանորոգումը ձգձգողները:

Լ. Գալստյանն առաջարկում է անհապաղ մաքրել ափամերձ տարածքներն ու ջրի տակ մնացած անտառաշերտերը և շատ արագ բարձրացնել ջրի մակարդակը։Ըստ նրա հաջորդ կարևոր քայլերն են՝ մաքրման կայաններ, արհեստական ձկնաբուծարաններ, ձկնապաշարների վերականգնում և այլն։

www.ecostimule.com