Euronews— ը տեղեկացնում է, որ մի քանի ուսումնասիրությունների համաձայն՝ երբ խոսքը գնում է շրջակա միջավայրի նկատմամբ գիտակից վերաբերմունքին, ապա գենդերային տարբերություն կա. ավելի քիչ հավանական է, որ տղամարդիկ էկոլոգիապես կայուն վարքագիծ կցուցաբերեն, քան կանայք:
Վերջին տարիներին ուսումնասիրությունները ցույց են տվել, որ տղամարդիկ ավելի շատ են աղտոտում, ավելի քիչ վերամշակում և ավելի մեծ ածխածնի հետք թողնում, քան կանայք: Ավելի մեծ է հավանականությունը, որ վերջիններս կաջակցեն բնապահպանական կանոնակարգերին, և նրանք ավելին գիտեն գիտության մասին:
Հետաքրքրականն այն է, որ ԱՄՆ հինգ համալսարանների պրոֆեսորների կողմից վերջերս կատարված հետազոտական աշխատանքները ցույց են տվել, թե ինչու են կանայք նախընտրում կանաչ ապրելակերպը. մոլորակը փրկելը պարզապես փոքր-ինչ աղջկական գործ է: Հոդվածը պարզել է էկո ապրելակերպի և կանացիության ընկալումների հոգեբանական կապը:
Հետազոտական աշխատանքի շրջանակներում իրականացվել են մի շարք փորձեր: Նրանցից մեկում երկու սեռերի մասնակիցները նկարագրել են այն անհատին, ով սուպերմարկետ էր գնացել պայուսակով որպես ավելի կանացի, քան նրան, ով պլաստիկ տոպրակ էր օգտագործել: Մեկ այլ փորձի ժամանակ մասնակիցները իրենց ավելի կանացի են ընկալել այն բանից հետո, երբ վերհիշել են, որ ինչ-որ լավ բան են արել շրջակա մջավայրի համար:
Հետազոտողները, այնուամենայնիվ, պնդում են, որ դա ոչ թե տղաների, այլ վաճառողի մեղքն է: Նրանք բավականաչափ ջանք չեն գործադրում իրենց ապրանքները տղամարդկանց համար գրավիչ դարձնելու համար: Հետազոտողներն առաջարկում են խրախուսել տղամարդկանց էկոլոգիապես մաքուր ընտրություններ կատարելուն ՝ ավելի կանացի ապրանքներ դարձնելով տղամարդկային:
2008-ին նորաձևության դիզայներ, ակտիվիստ, Նորաձևության կենդանիների հեղինակ և բուսակեր ՝ Ջոշուա Քաթչերը, հիմնել է Brave GentleMan կոչվող տղամարդկանց կայուն հագուստի գիծը ` անտեսելով «կանաչ արտադրանքի կանացիությունը»:
Մեկ այլ տղամարդ, ով չի զգացել հասարակական ճնշման բեռը կանաչ խնդիրների հետ կապված՝ Նունո Գոնկալալվեսն է՝ Լոնդոնում Քվագլինոյի գլխավոր խոհարարը: Ըստ նրա՝ կայունությունը ոչ մի կապ չունի սեռի հետ: